အခု ဧပြီလ ဘဏ္ဍာရေးနှစ်ကစပြီး မြန်မာကျပ်ငွေကို နှုန်းရှင်အဖြစ် တရားဝင်သတ်မှတ် ကျင့်သုံးပါပြီ။ အဲဒီ အစီအစဉ်ကြောင့် ငွေကြေးလဲလှယ်မှုနှုန်းထား အမျိုးမျိုးဖြစ်နေမှုကို တရားဝင်ဆုံးခန်းတိုင်သွားပါပြီ။ ၂၀၁၃-၁၄ ခုနှစ်အတွင်း တရားမဝင် ငွေကြေးဈေးကွက် လုံးလုံးလျားလျား ပျောက်ကွယ် သွားစေရေးအတွက် လုပ်ဆောင်သွားမယ်လို့လည်း ဆိုပါတယ်။
မြန်မာကျပ်ငွေကို အမေရိကန် တဒေါ်လာ ၈. ၅ နဲ့ ညီမျှတဲ့ တန်ဖိုးရှိကြောင်း  နိုင်ငံတကာ ငွေကြေးရန်ပုံငွေအဖွဲ့ (IMF) မှာ ချိတ်ဆက်ထားမှုဟာ အခု ၃၅ နှစ်အကြာမှာ ရုတ်သိမ်းလိုက်ပြီဖြစ်ပါတယ်။ IMF ရဲ့ အကြံဉာဏ်နဲ့ မြန်မာနိုင်ငံ ဗဟိုဘဏ်က နိုင်ငံပိုင်ဘဏ် ၃ ဘဏ်နဲ့ ပုဂ္ဂလိကဘဏ် ၁၁ ဘဏ်ကို ငွေကြေးရောင်းဝယ်ခွင့် လိုင်စင်ပေးပြီး လေလံဈေးကွက် ဖန်တီးပေးပါတယ်။ သတင်းထုတ်ပြန်ချက်အရ လက်လီဈေးကွက်မှာ ဈေးကွက်ပြဌာန်းနှုန်း ရဲ့ ၀.၈ ရာခိုင်နှုန်း အတက်အကျခံစေပြီး လက်ကားဈေးက ၀.၃ ရာခိုင်နှုန်း အယိမ်းအလှုပ်ခံမယ်လို့ သိရပါတယ်။ လက်လီဈေးကွက်ဆိုတာ လိုင်စင်ရဘဏ်တွေနဲ့ ဈေးဝယ်သူများအကြား အရောင်းအဝယ်ကို ရည်ရွယ်ပြီး လက်ကားဈေးက ဗဟိုဘဏ်နဲ့ လိုင်စင်ရဘဏ်များကြား အရောင်းအဝယ်ကို ပြောတာပါ။
“လက်ရှိပေါက်ဈေး ၈၁၈ ကျပ်ရဲ့ ၀.၈ ရာခိုင်နှုန်းဆိုတာက ၆.၅၄၄ ကျပ်ပေါ့။ ၇ ကျပ်ပဲ ထားပါတော့။ ရောင်းဈေး၊ ၀ယ်ဈေးကို ခုနစ်ကျပ်ခွာ ရောင်း၊ ၀ယ်လုပ်ခွင့်ပြုတယ်။ အဲဒီတော့ ဘဏ်တွေက ဒေါ်လာရောင်းတဲ့သူတွေဆီက ဗဟိုဘဏ် သတ်မှတ်ဈေးထက် ခုနစ်ကျပ်လျော့ပြီးတော့ ၀ယ်တယ်။ ဘဏ်မှာ ဒေါ်လာလာဝယ်တဲ့သူတွေကို ဗဟိုဘဏ် သတ်မှတ်ဈေးထက် ခုနစ်ကျပ်တိုးပြီးတော့ ရောင်းတယ်။ အဲဒီတော့ ငွေလဲဈေးနှုန်းက ကိုယ်က ဒေါ်လာသွားရောင်းရင် တဒေါ်လာ ၈၁၁ ကျပ်၊ ကိုယ်က ဒေါ်လာသွားဝယ်မယ်ဆိုရင် ၈၂၅ ကျပ်။ အဲဒီဈေးနှုန်းက ဘဏ်တွေက တရားဝင်ဖြစ်လာတဲ့ ရောင်းဈေး၊ ၀ယ်ဈေး ငွေလဲနှုန်းပဲ” လို့ မြန်မာနိုင်ငံတော်ဗဟိုဘဏ် တာဝန်ရှိသူတဦးက ရှင်းပြပါတယ်။
မြန်မာနိုင်ငံ ငွေကြေးလဲလှယ်နှုန်းစနစ်ဟာ ဈေးကွက်ကို လွတ်လပ်စွာ ပြဌာန်းခွင့်ပေးခဲ့တာမဟုတ်ဘဲ အပြင် ဈေးကွက်မှာ ပေါက်နေတဲ့နှုန်းနဲ့ အနီးစပ်ဆုံး သတ်မှတ်ပြဌာန်း ရောင်းဝယ်ခွင့်နဲ့ လိုအပ်ရင် ဈေးကွက်ကို ဝင်ရောက်စွပ်ဖက်ခွင့် ဗဟိုဘဏ်က ဆက်ကိုင်ထားပါတယ်။  ဒါကလည်း မြန်မာပြည်ထဲ နိုင်ငံခြားက ဝင်လာမယ့် အလုံးအရင်းသော အကူအညီတွေ၊ ရင်းနှီးမြှုပ်နှံမှုတွေကြောင့် ငွေကြေးဈေးကွက် မတည်မငြိမ်ဖြစ်ခဲ့ရင် ကြုံလာရမယ့် အခက်အခဲတွေကနေ သက်သာစေရအောင်လို့လို့ ရန်ကုန်မှာ မကြာသေးခင်က ဖတ်ခဲ့တဲ့ စာတမ်းမှာ နိုဗဲလ်ဆုရ စီးပွားရေးပညာရှင် ဂျိုးဇက် စတစ်ဂလဇ်က ဆိုထားပါတယ်။
မြန်မာ့ငွေကြေးစနစ် ပြုပြင်ပြောင်းလဲမှုကြောင့် ဗျူရိုကရေစီလျော့ကျသွားမယ်၊ ဈေးကွက် လွတ်လပ်ခွင့် ပိုရလာမယ်၊ ၈ ကျပ်နှုန်းနဲ့ ဗန်းပြပြီး ခြစားနေတာတွေကိုလည်း ကာကွယ်သွားနိုင်လိမ့်မယ်၊ တကယ်လည်း ဈေးကွက်ပြဌာန်းချက် နှုန်းထားအတိုင်း စီးပွားရေးလုပ်ငန်းတွေက အလုပ်ဖြစ်နေကြတာ နှစ်ပေါင်းကြာနေပြီဖြစ်လို့ အဲဒီအတိုင်း တရားဝင်ပြောင်းလိုက်တာ လက်တွေ့ပိုကျလို့ ကောင်းတယ်လို့ စီးပွားရေးသမားတွေနဲ့ ပညာရှင်တွေက ကြိုဆိုကြပါတယ်။
“အရေးကြီးတဲ့ကိစ္စက ဘာဖြစ်လာနုိုင်လဲဆိုတော့ အစုိုးရရဲ့ ဘဏ္ဍာငွေစာရင်းတွေကို ဘယ်လိုမျိုး ပွင့်လင်းမြင်သာအောင် လုပ်မယ်၊ တာဝန်ခံမှု ရှိအောင်လုပ်မယ် ဆိုတာပဲ။ အကယ်၍ နှုန်းရှင်နဲ့ နုိုင်ငံတော်ပိုင် စီးပွားရေးလုပ်ငန်းများရဲ့ နိုင်ငံခြားဝင်ငွေကို အထူးသဖြင့် မြန်မာ့ရေနံနှင့် သဘာဝဓာတ်ငွေ့ လုပ်ငန်းက ရရှိလာမယ့် နုိုင်ငံခြားဝင်ငွေတွေ စနစ်တကျ မှတ်တမ်းတင်နုိုင်ရင်တော့ နိုင်ငံအတွက် အင်မတန် အကျိုးရှိမယ်” လို့ မြန်မာ့စီးပွားရေးကျွမ်းကျင်သူ ဩစတြေးလျနိုင်ငံသား စီးပွားရေးပညာရှင် ရှောင်တာနယ်က ပြောပြပါတယ်။
သိကြတဲ့အတိုင်း သဘာဝအရင်းအမြစ် အများစုကို ထိုင်း နဲ့ တရုတ်နုိုင်ငံတို့က ၀ယ်ယူကြပါတယ်။ ၂၀၁၃ ကစပြီး သဘာဝဓာတ်ငွေ့ ရောင်းချမှုနှုန်း သိသိသာသာ မြင့်တက်လာဖို့ရှိပါတယ်။ ဘင်္ဂလားပင်လယ်အော် ရွှေ ဓာတ်ငွေ့သိုက်ကနေ တရုတ်နိုင်ငံက နှစ်စဉ် ၆ဘီလီယံ ကုဗမီတာ ၀ယ်ယူတော့မှာကြောင့် ဖြစ်ပါတယ်။
ထင်တိုင်းကြဲနိုင်ခွင့်ရှိခဲ့တဲ့ စစ်အုပ်ချုပ်ရေး စနစ်အောက်မှာတောင် မြန်မာနိုင်ငံရဲ့တရားဝင် နုိုင်ငံခြားအရန်ငွေဟာ ၂၀၁၀ ခုနှစ်မှာ အမေရိကန်ဒေါ်လာ ၅.၅ ဘီလီယံအထိ ခုန်တက်ခဲ့ပါတယ်။ လွန်ခဲ့တဲ့ ဆယ်နှစ်က ဒေါ်လာသန်း ၂၀၀ သာ ရှိခဲ့တာလို့ အာရှဖွံ့ဖြိုးတိုးတက်ရေးဘဏ်ရဲ့ ကိန်းဂဏန်း အချက်အလက်တွေအရ သိရပါတယ်။ အဲဒီလို အရန်ငွေ အဆမတန် မြင့်တက်သွားရခြင်းဟာ သဘာဝဓာတ်ငွေ့ ရောင်းချလို့ရတဲ့ ငွေတွေကြောင့် ဖြစ်ပါတယ်။ ကမ်းလွန်သဘာဝဓာတ်ငွေ့နဲ့ တခြားသဘာဝ အရင်းအမြစ်များ ရောင်းချခြင်းမှ ရရှိတဲ့ ဘီလီယံချီသော ဒေါ်လာငွေများ ငွေလဲနှုန်းစနစ်ဟောင်းအောက်မှာ အေးဓားပြတိုက်ခံ လိုက်ရတယ်လို့ လေ့လာသူအများစုက ယုံကြည်ပါတယ်။
သမ္မတ ဦးသိန်းစိန်ဦးဆောင်တဲ့ နေပြည်တော်အစိုးရသစ် ဖွဲ့ပြီးနောက်ပိုင်း နိုင်ငံရေး၊ စီးပွားရေးပြုပြင်ပြောင်းလဲမှုတွေ လုပ်လာခဲ့ပြီး အထက်မှာ ပြောသလို  မြန်မာ့ငွေကြေးစနစ် ပြုပြင်ပြောင်းလဲရေးတွေ IMF နဲ့ တိုင်ပင်လုပ်နေရာမှာ လာမယ့် ၂၀၁၅ ခုနှစ် အာဆီယံဒေသ လွတ်လပ်တဲ့ ကုန်သွယ်ရေးဇုန်အတွင်း မြန်မာနိုင်ငံပါလာမှာနဲ့ တပြိုင်တည်း စတော့ဈေးကွက်နဲ့ ငွေကြေး စာချုပ်ရောင်းဝယ်ရေးဆိုင်ရာ ဈေးကွက်ဖွင့်နိုင်ရေး လုပ်နေတယ်လို့ မြန်မာနိုင်ငံ ဗဟိုဘဏ် ဒုတိယ ဥက္ကဌ ဦးမောင်မောင်ဝင်းက ဝေါလ်စထရိဂျာနယ်ကို ပြောပါတယ်။
ပြည်တွင်း ပုဂ္ဂလိကဘဏ်များ ဖွံ့ဖြိုးတိုးတက်ရေးအတွက် လိုအပ်တဲ့ အပြောင်းအလဲများကို စလုပ်ဆောင်နေကြောင်း၊ နိုင်ငံတွင်းသို့ နိုင်ငံခြားဘဏ်များ ၀င်ရောက်ခွင့် ပြုရေးစဉ်းစားလျက်ရှိနေကြောင်း  ဦးမောင်မောင်ဝင်းက အင်္ဂါနေ့မှာ ပြောလိုက်တာ ဖြစ်ပါတယ်။ မြန်မာအစိုးရသစ်အနေဖြင့် ပုဂ္ဂလိက ဘဏ်များ ပြန်ခိုင်မာလာစေရန်နဲ့ ဗဟိုဘဏ်ရဲ့ လုပ်ပိုင်ခွင့်များ ပိုမိုရရှိစေရေးတို့အတွက် လွှတ်တော်က  ဥပဒေသစ်တခုကို ပြဌာန်းခဲ့ကြောင်း၊ နိုင်ငံခြား ဘဏ် ၁၆ ခုမှ ရုံးခွဲများ လာရောက်ရန်ရှိပြီး မြန်မာပုဂ္ဂလိကဘဏ်များ အနေနဲ့လည်း ဖက်စပ် လုပ်ပိုင်ခွင့် ရလာမယ်လို့ ဦးမောင်မောင်ဝင်းက ပြောပါတယ်။
ဒီမူဝါဒ ဘယ်လို အကောင်အထည်ဖော်မလဲ၊ ဘယ်လောက်ရေရှည်ခံမလဲ ဆိုတဲ့မေးခွန်းတွေတော့ နောက်ဆက်တွဲ ပေါ်လာပါတယ်။ ယခင်က မြန်မာနိုင်ငံ ဗဟိုဘဏ်ဟာ ဘဏ္ဍာရေး ၀န်ကြီးဌာနရဲ့ လက်အောက်မှာ ရှိခဲ့ပြီး ငွေကြေးဆိုင်ရာ မူဝါဒကိစ္စများနဲ့ ပတ်သက်လို့ လုပ်ပိုင်ခွင့် အပြည့်အ၀ မရှိခဲ့ဘဲ ၀န်ကြီးဌာနရဲ့ ခွင့်ပြုချက်ကို တောင်းခံရတဲ့စနစ်သာ ကျင့်သုံးဖြစ်ခဲ့ပါတယ်။ ယခင်အစိုးရများ လက်ထက်က အစိုးရအသုံးစရိတ် လိုအပ်ချက်များ ရှိလာပါက ငွေစက္ကူ ရိုက်ထုတ်သုံးစွဲခြင်းများနဲ့ အခြား စီမံခန့်ခွဲမှု အားနည်းချက်တို့က ငွေကြေးဖောင်းပွမှုကို မီးထိုးပေးခဲ့တယ်လို့ စီးပွားရေး ပညာရှင်များက ထောက်ပြထားကြပါတယ်။
ဒါ့အပြင် မြန်မာနိုင်ငံရဲ့ ဘဏ်လုပ်ငန်း သမိုင်းကလည်း နာမည်မကောင်းခဲ့လေတော့ လူအများ သံသယကြီးတာ အပြစ်မဆိုသာပါဘူး။ ၁၉၆၂ စစ်တပ်က နိုင်ငံတော်အာဏာသိမ်းအပြီး မြန်မာ့ဆိုရှယ်လစ်လမ်းစဉ် ပါတီထောင်ကာ ပုဂ္ဂလိကပိုင် နိုင်ငံခြားနဲ့ ပြည်တွင်း ဘဏ်များအားလုံး ပြည်သူပိုင် အမည်တပ် သိမ်းပိုက်ခဲ့ပါတယ်။ ၁၉၉၂ ခု ပုဂ္ဂလိကဘဏ်တွေ တည်ထောင်ခွင့်ပြုကာ နိုင်ငံခြားဘဏ် ကိုယ်စားလှယ်ရုံးများ ပေးဖွင့်ခဲ့ပေမယ့် အလုပ်မတွင်တဲ့ စစ်ဘက် အုပ်ချုပ်ရေးစနစ်၊ မှောင်ခို မူးယစ်ဆေး ရောင်းဝယ်ရေးက ရတဲ့ငွေမည်းလျော်ဖွပ်မှု၊ အနောက်နိုင်ငံတွေရဲ့ ဒဏ်ခတ်ပိတ်ဆို့မှုတွေကြောင့် မြန်မာ့ငွေကြေးစနစ် ဒုံရင်းဘဝက မတက်နိုင်ခဲ့ပါဘူး။ ၂၀၀၃ မှာတော့ ပွင့်လင်းလွတ်လပ်မှု တာဝန်ယူမှု ကင်းမဲ့ခဲ့တဲ့ မြန်မာ့ဘဏ်စနစ် ပြိုလဲခဲ့ပြီး ပုဂ္ဂလိကဘဏ် ၃ ဘဏ်ကို အစိုးရက ပိတ်ပစ်ခဲ့ပါတယ်။
ယခုအခါမှာတော့ ဗဟိုဘဏ်အနေနဲ့ IMF နဲ့အနီးကပ် လက်တွဲ လုပ်ဆောင်နေကြောင်း၊ ထိုင်းနိုင်ငံ ဗဟိုဘဏ်အပါအ၀င် တခြားဘဏ်ကြီးများနဲ့လည်း နေ့စဉ် ဘဏ်လုပ်ငန်းနဲ့ ငွေကြေးစီးဆင်းမှုဆိုင်ရာ သတင်းအချက် အလက်များကို အတူ ပူးပေါင်းလုပ်ကိုင်နေကြောင်း ဦးမောင်မောင်ဝင်းက ဆိုပါတယ်။ မကြာသေးမီကပဲ ဘဏ်ကဒ်စနစ်နဲ့ ငွေ ထုတ်ယူနိုင်တဲ့ ATM စနစ်များကို စတင် အကောင် အထည်ဖော်ခဲ့ကြောင်း၊ စီးပွားရေး ဒဏ်ခတ်မှုများ ရုပ်သိမ်းလျှင် နိုင်ငံတကာ အကြွေးဝယ်ကဒ်များ သုံးစွဲနိုင်ဖို့ ဖြစ်လာနိုင်ကြောင်း ပြောပါသေးတယ်။
သတင်းတွေအရ Standard Chartered နဲ့ စင်ကာပူက United Overseas Bank (UOB) တို့လို နိုင်ငံတကာ ဘဏ်ကြီးတွေအနေနဲ့လည်း မြန်မာပြည် အခြေအနေကို အနီးကပ်စောင့်ကြည့်နေကြပါတယ်။ UOB က ငွေကြေးလွှဲပြောင်းမှုဌာန အုပ်ချုပ်ရေးဆိုင်ရာ ဒါရိုက်တာ စိုလေးဟွားက မြန်မာ့အပြောင်းအလဲကို အခွင့်အရေးတရပ်လို့ မြင်ကြောင်း၊ မြန်မာဘဏ်လုပ်သားများကို ငွေကြေးအရောင်းအဝယ်နဲ့ မရေရာမှုများအား စီမံခန့်ခွဲခြင်းတွေကို ကူညီသင်ကြား ပေးနေတယ်လို့  ရိုက်တာ သတင်းဌာနကို ပြောပါတယ်။ ရိုက်တာရဲ့ အဆိုအရ နိုင်ငံတကာဘဏ်ကြီးတွေ အတော်များများ မြန်မာပြည်ကို ပြန်ဝင်ကြပြီး ရုံးဖွင့်ဖို့ ပြင်နေကြောင်း သိရပါတယ်။
မြန်မာပြည်အပေါ် ချမှတ်ထားတဲ့ ရင်းနှီးမြုပ်နှံမှုနဲ့ ဘဏ္ဍာရေးဆိုင်ရာ ကန့်သတ်ချက်များကို အမေရိကန်နဲ့ အနောက်နိုင်ငံတွေက လျှော့ချပေးမှာမို့လည်း ဘဏ်လုပ်ငန်းနဲ့ ငွေကြေးဈေးကွက်အတွက် အလားအလာကောင်းတွေ ရှိလာပါတယ်။ အမေရိကန် အစိုးရအရာရှိများကို ကိုးကားပြီး ရိုက်တာသတင်းဌာနက သတင်းပို့ချက်အရ လယ်ယာစိုက်ပျိုးရေး၊ ခရီးသွားလုပ်ငန်း၊ သတင်းဆက်သွယ်ရေးနဲ့ ဘဏ်လုပ်ငန်းတွေ ဒဏ်ခတ်မှုလျှော့ချတာကနေ အကျိုးခံစားကြရဖို့ရှိကြောင်းသိရပါတယ်။
ဒါပေမဲ့ မြန်မာကျပ်ငွေ ကမ္ဘာ့ငွေကြေးဈေးကွက်ထဲ ပြန်ဝင်လာရေး အထူးသဖြင့် နိုင်ငံခြားဘဏ်တွေ မြန်မာ့ငွေကြေးဈေးကွက်မှာ ဝင်ရောက် ရင်းနှီးမြှုပ်နှံ လုပ်ကိုင်စေရေး ဖြေရှင်းစရာ အခက်အခဲများစွာ ကျန်နေပါသေးတယ်။ ဩစတြေးလျ စီးပွါးရေးပညာရှင် ရှောင်တာနယ် လတ်တလော ပြုစုထားတဲ့ လေ့လာချက်မှာ ငွေဖောင်းပွမှုနှုန်းထက် နိမ့်တဲ့ စပေါ်တင်နှုန်း သတ်မှတ်ထားခြင်း၊ အာမခံမဲ့ အကြွေးပေးမှုကို ပိတ်ပင်ထားခြင်း၊ လယ်သမားများကို ပုဂ္ဂလိကဘဏ်များက ငွေမချေးရခြင်းနဲ့ ရှုပ်ထွေးတဲ့ အတိုးနှုန်းသတ်မှတ်မှုတွေလို အစိုးရရဲ့ စည်းကမ်းသတ်မှတ်ချက်တွေက အတားအဆီးတွေ ဖြစ်နေစေတုန်းလို့ ထောက်ပြထားပါတယ်။
ပေါ်ထွန်းစ ကမ္ဘာ့ငွေကြေးဈေးကွက်သစ်တွေကို ရင်းနှီးမြှုပ်နှံမှုနဲ့ အကြံဉာဏ်တွေပေးကြတဲ့ အနောက်နိုင်ငံ ဘဏ်အရာရှိတွေက မြန်မာနိုင်ငံရဲ့ အနေအထားဟာ ထိုင်ဝမ်၊ တောင်ကိုရီးယားတို့လို ငွေကြေးစနစ် အပြောင်းအလဲနဲ့ မတူကြောင်း၊ ကမ္ဘာ့ငွေကြေးစနစ်နဲ့ ပြန်ချိတ်ဆက်ချိန်မှာ ယင်းနိုင်ငံတွေရဲ့ ငွေကြေးဈေးကွက်နဲ့ ဘဏ်များ အားကောင်းမောင်းသန် အဆင်သင့်ရှိနေခဲ့သော်လည်း မြန်မာနိုင်ငံမှာတော့ အလွန်နိမ့်ကျသော အဆင့်မှ ပြန်စရမှာဖြစ်ကြောင်း ထောက်ပြကြပါတယ်။ “ရင်းနှီးမြှုပ်နှံသူတွေဘက်က အဆင်သင့်ပါပဲ။
မြန်မာတွေဘက်က အဆင်သင့် မဖြစ်သေးဘူး” လို့ ကမ္ဘာ့ငွေကြေးဈေးကွက်သစ်တွေကို ရင်းနှီးမြှုပ်နှံမှုနဲ့ အကြံဉာဏ်တွေပေးကြတဲ့ လန်ဒန်အခြေစိုက် Exotix ဘဏ်ရဲ့ စီးပွားရေးပညာရှင်ချုပ် စတူးဝဒ်ကူဗာဟောက်က ဝေါလ်စထရိဂျာနယ်ကို ပြောပါတယ်။
ဒီလို မြန်မာ့ငွေကြေးစနစ် အပြောင်းအလဲကို ဒေသတွင်းနဲ့ နိုင်ငံတကာက စိတ်ဝင်တစား ဖြစ်နေပေမယ့် အစိုးရရဲ့ တရားဝင်ငွေလဲဈေးကွက်ဆိုတာ အလုပ်ဖြစ်တယ်ဆိုရုံသာရှိပြီး အမှန်တကယ် အလုပ်ဖြစ်မှုမှာ ပြင်ပမှောင်ခိုဈေးကွက်ကို မမီကြောင်း ရန်ကုန်စီးပွားရေး အသိုင်းအ၀ိုင်းက ပြောကြပါတယ်။
“အစိုးရရဲ့ တရားဝင်ငွေလဲဈေးကွက်က ရန်ကုန်မြို့မှာပဲ တွင်တွင်ကျယ်ကျယ် ရှိနေတာ။ ပြင်ပမှောင်ခိုငွေလဲ ဈေးကွက်က တရုတ်-မြန်မာ နယ်စပ်၊ ထိုင်း-မြန်မာနယ်စပ် တွေအပါအ၀င် တကယ်ကို ကုန်သွယ်ရေး၊ စီးပွားရေးလုပ်နေတဲ့ နေရာတိုင်းမှာရှိနေတယ်။ အဲဒီတော့ ပြင်ပမှောင်ခိုဈေးကွက်ရဲ့ ကျယ်ပြန့်မှုကို အစိုးရ ငွေလဲဈေးကွက်က လိုက်မမီဘူး” လို့ ရန်ကုန်ရွှေကုန်သည်တဦးက ဧရာဝတီကို ပြောပါတယ်။
လမ်းပေါ်က ဈေးကွက်ကို အစိုးရက ဘယ်လိုမှ ထိန်းချုပ်မရဘူးဆိုတာ အားလုံးမျက်မြင်ပါပဲ။ ဘဏ်တွေပိတ်ချိန် ညနေ သုံးနာရီထိုးပြီဆိုတာနဲ့ အပြင် ငွေလှဲနှုန်းက တဒေါ်လာ ၇၈၀ ကျပ် ချက်ခြင်း ခုန်တက်သွားပါတယ်။ ငွေကြေးလဲလှယ်နှုန်း အပြောင်းအလဲကို သိနေတဲ့ နိုင်ငံခြားသားတွေနဲ့ မြန်မာတွေအတွက် စိတ်အနှောက်အယှက် ဖြစ်စရာပေါ့။ ငွေကြေးဆိုင်ရာ အပြောင်းအလဲကို မသိဘူးလားလို့ အပြင်ဈေးကွက်က ငွေဝယ်ရောင်းတွေကို မေးကြည့်တော့ တချို့က အကြမ်းအားဖြင့် သိတယ်၊ တချို့က နားမလည်ဘူး။ တယောက်ကဆို ပြောဆိုနေရင်း ထအော်လိုက်တယ်။ “ဘဏ်တွေ ပိတ်ပြီ၊ ဘဏ်တွေ ပိတ်ပြီ” တဲ့။
ရန်ကုန်အခြေစိုက် ဧရာဝတီ သတင်းထောက် အောင်သက်ဝိုင်း ပါဝင် သတင်းပေးပို့သည်။

ရခိုင်တိုင်းရင်းသားများ တိုးတက်ရေးပါတီမှ အပတ်စဉ် ပုံမှန် ထုတ်ဝေနေသော တိုးတက်ရေး ဂျာနယ်ပါ "အစိမ်းရောင် ယူနီဖေါင်း ဒီမိုကရေစီမှ အ၀ါရောင် စကတ် ဒီမိုကရေစီသို့" ဆောင်းပါးနှင့် ပတ်သက်ပြီး စာပေ စိစစ်ရေးမှ ထုတ်ဝေသူ အား ခေါ်ယူသတိပေးမူ ပြုလုပ်ခဲ့သည်။

တိုးတက်ရေး သတင်းလွှာ ဂျာနယ်အား ပါတီမှ တာဝန်ယူ ထုတ်ဝေနေသူ ဦးမြင့်နိုင်ကို စာပေ စိစစ်ရေးအဖွဲ့ ဒုညွှန်ကြားရေးမှူးက ခေါ်ယူ သတိပေးခဲ့ခြင်း ဖြစ်သည်။

" ဖေဖေါ်ဝါရီ ၂၉ ရက်နေ့က ကျွန်တော်တို့ ထုတ်ခဲ့တဲ့ တိုးတက်ရေး သတင်းလွှာ အတွဲ ၂၊ အမှတ် ၄ မှာ ဆောင်းပါးရှင် တိုးတက်ခိုင် ရေးတဲ့ "အစိမ်းရောင် ယူနီဖေါင်း ဒီမိုကရေစီမှ အ၀ါရောင် စကတ် ဒီမိုကရေစီသို့" ဆောင်းပါးကို စာပေစိစစ်ရေးက ခေါ်ယူ သတိပေးတာ ဖြစ်ပါတယ်။ ဒီလ ၁၇ ရက်နေ့ က ကျွန်တော်တို့ကို ခေါ်ယူပြီး နောက်နောင် ဒီလို ဆောင်းပါးတွေကို မဖေါ်ပြဖို့ သတိပေးပြီး ခံဝန်ချက် လက်မှတ်လည်း ရေးထိုးခိုင်းပါတယ်" ဟု ထုတ်ဝေသူ ဦးမြင့်နိုင် နိရဉ္စရာသို့ ပြောသည်။

ဆောင်းပါးတစ်ခုလုံး အတွက် ခေါ်ယူသတိပေးခြင်း ဖြစ်ပြီး နအဖ စစ်အစိုးရ လက်ထက်က ထုတ်ပြန်ခဲ့သော ဥပဒေ တစ်ခုနှင့် ငြိစွန်းနေသည်ဟု ဆိုကာသတိပေး ကန့်ကွက်ခြင်း ဖြစ်ကြောင်း ဦးမြင့်နိုင်က ပြောသည်။

" ဆောင်းပါးမှာတော့ ဝေေ၀ဆာဆာ ရေးထားပါတယ်။ သူတို့ ကန့်ကွက်တယ်ဆိုတာက ညွန်ကြားချက် အမှတ် ၄၄ လို့ ပြောပါတယ်။ စစ်အစိုးရလက်ထက်က ထုတ်ခဲ့တဲ့ ညွန်ကြားချက်ပါ။ အဲဒီညွန် ကြားချက်အပေါ်မှာ မူတည်ပြီး သတိပေး ကန့်ကွက်တယ်လို့ ပြောပါတယ်။ ဆောင်းပါး ထဲမှာ ကတော့ အရင်တုန်းက အုပ်ချုပ်ခဲ့တဲ့ စစ်အစိုးရ ဥပဒေအကြောင်းအရာ လေးတွေကို ဝေဖန် သုံးသပ်ထားတွေ ပါဝင်ပါတယ်။ ဆောင်းပါးကတော့ သုံးမျက်နှာခန့် ရှိပါတယ်။ ဘယ်အကြောင်း အရာ ပေါ်မှာ သတိပေးတယ်ဆိုတာကိုတော့ အတိအကျ သူတို့ မပြောပါဘူး။ ဆောင်းပါးတခုလုံး အပေါ်မှာဘဲ သတိပေးတာပါ။ ဆောင်းပါး မှာတော့ ရေးထားတဲ့ အချက်တွေကလည်း အများကြီးပါ။"

တိုးတက်ရေး ဂျာနယ်ကို ပုံနှိပ်ထုတ်ဝေပြီှးမှ စာပေ စိစစ်ရေးသို့ ပုံမှန် (၁၀) စောင်ကျစီ တင်ပေးရပြီး ယခု အကြိမ် ခေါ်ယူ သတိပေးမူမှာ ဒုတိယ အကြိမ် ဖြစ်ကြောင်း သိရသည်။

" ခု ခေါ်ယူသတိပေးတာကတော့ ဒုတိယ အကြိမ် ဖြစ်ပါတယ်။ ကျွန်တော်တို့ကတော့ ဘာမှ ပြောစရာ မရှိပါဘူး။ ကျွန်တော်တို့က သူတို့ထုတ်ထားတဲ့ ညွန်ကြားချက်အရဘဲ ရေးရမယ် ဆိုတဲ့ အတွက် စာပေစိစစ်ရေးက ထုတ်ထားတဲ့ ဥပဒေတွေနဲ့ မငြိစွန်းရအောင် ရေးကြရမှာပေါ့။ ကျွန်တော်တို့က ဥပဒေဘောင်ထဲက ထုတ်ဝေနေတဲ့ စာစောင်ဆိုတော့ ဥပဒေနဲ့ မငြိစွန်းအောင်တော့ လုပ်ရမှာ ဖြစ်ပါတယ်" ဟု ဦးမြင့်နိုင်က ပြောသည်။

တိုးတက်ရေး သတင်းလွှာကို စာပေစိစစ်ရေးက ခေါ်ပြီး သတိပေးခံရခြင်းနှင့် ပတ်သက်ပြီး ရခိုင် တိုင်းရင်းသားများ တိုးတက်ရေး ပါတီ၏ သဘောထား အမြင်ကို မေးမြန်းရာ အထွေထွေအတွင်းရေးမှူး ဦးဦးလှစောက ယခုလို ပြောသည်။

" ကျွန်တော်တို့ ရခိုင်တိုင်းရင်းသာများ တိုးတက်ရေးပါတီ စာစောင်ကို ခေါ်ပြီးတော့ သတိပေးတဲ့ အချိန်မှာ ရန်ကုန်မှာ ပြည်ထောင်စု ၀န်ကြီး ဦးကျော်ဆန်းနဲ့ တခြား ယူနက်စကို၊ နိုင်ငံတကာ သတင်းထောက်တွေနဲ့ ဗမာပြည်ရဲ့ မီဒီယာ ဖွံ့ဖြိုးတိုးတက်ရေးအတွက် လုပ်ဆောင်နေတဲ့ အချိန် ဖြစ်ပါတယ်။ အဲဒီလို ဗမာပြည်ရဲ့ မီဒီယာ ဥပဒေ၊ မီဒီယာ မြှင့်တင်ရေးအတွက် လုပ်နေတဲ့ အချိန်မှာ ကျွန်တော်တို့ တိုင်းရင်းသား ပါတီငယ် တခုရဲ့ စာစောင်လေး တစ်ခုအပေါ်မှာ အဲဒီလို တင်းတင်းမာမာ သတိပေးတာဟာ တဖက်သတ် ဆန်နေတယ်။ တိုင်းရင်းသား ပါတီ တစ်ခု အပေါ်မှာ ဖိအား ပေးတယ် လို့ဘဲ ကျွန်တော်တို့ ခံစားမိတယ်။ ဘာမှ ကြီးကျယ်တဲ့ဟာလည်း မဟုတ်ပါဘူး။ ကျွန်တော်တို့က စနစ်ဟောင်းတုန်းက အဖြစ်အပျက်လေးတွေကို တင်ပြတာပါ။ အဲဒီမှာ တိုင်းရင်းသားတွေဆိုတော့ ပွင့်ပွင့်လင်းလင်း ဝေါဟာရအသုံးနှုန်းတွေ နည်းနည်း တင်းတင်းမာမာလေးတွေ ပါသွားတယ်။ မီဒီယာ လွတ်လပ်ခွင့်ကို လုပ်နေတဲ့ အချိန်မှာ ဒါမျိုးဖြစ်တာကတော့ ကျွန်တော်တို့ ဘက်က တော်တော်လေး စိတ်မကောင်း ဖြစ်သွားပါတယ်" ဟု ပြောသည်။

သို့သော် မီဒီယာ ဥပဒေ အသစ်များ မထွက်ပေါ်လာမှီ ဥပဒေ အဟောင်း အတိုင်း ဆောင်ရွက် နေရသဖြင့် တစ်စုံတစ်ရာ အတိုင်းအတာထိ နားလည်မူ ပေးနိုင်ကြောင်းဖြင့်လည်း ဦးဦးလှစောက ပြောသည်။

" သူတို့တွေကလည်း အယင်တုန်းက မူဝါဒဟောင်းတွေနဲ့ လုပ်နေကြတယ်။ နောက် သိပ် မကြာခင်မှာဘဲ မူဝါဒသစ်တွေ ပြောင်းလာမယ်ဆိုတော့ ပိုပြီး လွတ်လပ်လာမယ်။ နည်းနည်းပါးပါး ချင့်ချိန်ပြီး ရေးပေးပါလို့ ပျော့ပျော့ပျောင်းပျောင်း ပြောတာလဲ ရှိတဲ့ အတွက် ကျွန်တော်တို့ ဘက်ကလည်း တစ်စုံတစ်ရာ အတိုင်းအတာထိ နားလည်ပေးလို့ ရပါတယ်" ဟု ဆက်ပြောသည်။

ရခိုင်တိုင်းရင်းသားများ တိုးတက်ရေးပါတီမှ ထုတ်ဝေသော တိုးတက်ရေး သတင်းလွှာကို ၂၀၁၁ ခုနှစ်မှ စတင်ပြီး တစ်လ သုံးကြိမ်နုန်းဖြင့် ထုတ်ဝေပြီး တစ်ကြိမ်ကို စောင်ရေ လေး-ငါးထောင်ခန့် ရိုက်နှိပ် ထုတ်ဝေသည်ဟု သိရသည်။ အတွဲ ၂၊ အမှတ် ၄ ဂျာနယ်မှာ ၁၆ အုပ်မြှောက် စာစောင်ဖြစ်သည်။ ရောင်းဈေးမှာ တစ်လ သုံးစောင်ကို ကျပ် ၁၀၀၀ နုန်း ဖြစ်ကြောင်း သိရသည်။

တိုးတက်ရေး သတင်းလွှာမှာ လက်ရှိ ရခိုင်ပြည်နယ် အတွင်း ဖြစ်ပျက်နေသော အကြောင်း အရာများကို မကွယ်မ၀ှက် မထိန်မချန် အဖြစ်မှန်အတိုင်း ရေးသား ဖေါ်ပြသဖြင့် ရခိုင်ပြည်သူများက နှစ်သက် သဘောကျ လက်ခံကြသည်ဟု သိရသည်။

ရခိုင်ပြည်နယ်ကျောက်တော်မြို့နယ် မဟာမုနိ ပြတိုက်တွင် များမကြာမှီက ပြသထားသော ရှေးခေတ် ရခိုင် အမြှောက် ၂ လက်ကို နေပြည်တော်သို့ ပို့ဆောင်ရန် စစ်တွေမြို့ကို ယူဆောင်သွားပြီ ဖြစ်ကြောင်း သတင်း ရရှိသည်။

" အမြောက်နှစ်လက်မှာ တစ်လက် ကြေးအမြှောက် ဖြစ်ပါတယ်။ နောက်တစ်လက်က သံ အမြှောက်ဖြစ်ပါတယ်။ အခု ပြည်နယ် ယဉ်ကျေးဝန်ကြီးဌာန ညွှန်ကြားရေးမှူး ဦးဇော်ဇော်ထွန်း အမိန့်နဲ့ စစ်တွေကို ယူဆောင်သွားပြီ ဖြစ်ပါတယ်။ နေပြည်တော်ကို ဆက်လက် ယူဆောင်မယ်လို့ ကြားပါတယ်" ဟု မြောက်ဦးမြို့မှ ရှေးဟောင်း လက်ထောက် ညွှန်ကြားရေးမှူးဟောင်း ဦးကျော်ထွန်းအောင်က ပြောသည်။

အဆိုပါ အမြှောက်နှစ်လက်ကို ယခုလ (မတ်လ) ၇ ရက်နေ့က ကျောက်တော်မြို့နယ် ၀ဲကြီးချောင်းကျေးရွာ အနီး လယ်ကွင်းပြင်တွင် လယ်ကမ်းသင်းရိုး တူးဖေါ်စဉ် ဦးအောင်စိန်ဝင်းမှ ရရှိခဲ့သည်။

မတ်လ ၉ ရက်နေ့တွင် ဦးအောင်စိန်ဝင်းမှ ၎င်း အမြောက် ၂ လက်ကို ကျောက်တော်မြို့နယ် အုပ်ချုပ်ရေးမှူးထံအပ်နှံခဲ့သည်။ အဆိုပါ နေ့တွင်ပင် မြို့နယ် အုပ်ချုပ်ရေးမှူးက ကျောက်တော် မဟာမုနိ ပြတိုက်သို့ လွဲပြောင်း ပေးအပ်ခဲ့ကြောင်း သိရသည်။

" ကြေး အမြှောက်က နဂါးရုပ် သဏ္ဍန် ပြုလုပ်ထားပြီး အလျား ၃ ပေ ၉ လက်မ၊ အချင်း ၄ လက်မ ရှိပါတယ်။ နောက်တလက်က သံအမြောက် ဖြစ်ပြီး ကြံဆစ် ပုံဖြစ်ပါတယ်။ အရှည်က ၄ ပေ အချင်း ၃ လက်မ ရှိပါတယ်။ ကျောက်တော် မဟာမုနိ ပြတိုက်မှာ ပြသထားတာကို ဒီလ ၂၄ ရက်နေ့က ဦးဇော်ဇော်ထွန်းရဲ့ အမိန့်နဲ့ မြောက်ဦးပြတိုက်မှူး ဦးကြည်ရှိန်က စစ်တွေကို ယူသွားပါတယ်" ဟု ဆရာက ဆက်ပြောသည်။

အဆိုပါ အမြှောက် (၂) လက်မှာ မြောက်ဦးခေတ်တွင် အသုံးပြုခဲ့သော အမြှောက်များ ဖြစ်ကြပြီး ၁၇ ၇ာစု ၁၈ ၇ာစုတွင် ပြုလုပ်ခဲ့ကြောင်း၊ ပေါ်တူဂီ၊ ဒတ်ခ်ျတို့ အပြိုင် စစ်တိုက်ရာတွင် အသုံးပြုခဲ့သော အမြှောက်များ ဖြစ်ကြောင်း ဆရာက ပြောသည်။

ကျောက်တော်မြို့မှ ရခိုင် သမိုင်းသုတေသီ သူမြတ်မဟာ အောင်မြေကလည်း ယခုကဲ့သို့ ရှေးဟောင်း ရခိုင် အမြှောက် ၂ လက်ကို နေပြည်တော်သို့ ယူဆောင်သွားခြင်းမှာ ရခိုင်လူမျိုးများ အတွက် နစ်နာ ဆုံးရှုံး မူ တစ်ရပ် ဖြစ်ကြောင်း ပြောဆိုသည်။

" ကျောက်တော် မဟာမုနိ ပြတိုက်ကို ကျွန်တော်တို့ ဖွင့်လှစ်ထားတာက ဒီဒေသက ရရှိတဲ့ ရခိုင်ရှေးဟောင်း အမွေအနှစ်တွေကို ဒီဒေသမှာ ပြသနိုင်ဖို့ အတွက် ရည်ရွယ်ပြီး ဖွင့်လှစ်ထားတာ ဖြစ်ပါတယ်။ အခုလို ရခိုင်အမွေအနှစ်တွေကို ယူဆောင် သွားကတော့ လုံးဝ စိတ်မကောင်းစရာပါဘဲ။ ရခိုင်လူမျိုးတွေအတွက် အမျိုးဂုဏ် ဇာတိဂုဏ်ကို ဖေါ်ပြနေတဲ့ ရှေးဟောင်း အမွေအနှစ်တွေ ဆုံးရှုံးသွားမူလို့ဘဲ ခံယူမိပါတယ်" ဟု ပြောသည်။

ယခုကဲ့သို့ ရခိုင်လူမျိုးများ အတွက် တန်ဖိုး မဖြတ်နိုင်သော အမွေအနှစ်များကို နေပြည်တော်သို့ ယူဆောင်သွားကြောင်း ကြားသိရသဖြင့် ကျောက်တော်မြို့နယ် သံဃာ ၀န်ဆောင် ဥက္ကဌ သိန်းတန် ဆရာတော်ကြီးနှင့် ဒေသခံ ပြည်သူများမှာ အထူး စိတ်မကောင်း ဖြစ်နေကြကြောင်း သတင်း ရရှိသည်။


နိရဉ္စရာ

မောင်အေး
-----------
ကျောက်တော်မြို့နယ်ရှိ မဟာမုနိ ရုပ်ရှင်တော် မြတ်ကြီး ကိန်းဝပ်ရာ ကျောင်းဆောင်တော်တွင် အလိုတော်ပြည့် ဆရာတော်ကြီးမှ ဦးဆောင်ပြီး တင်ဆောင်မည့် ရွှေထီးတော် အသစ်နှင့် ပတ်သက်ပြီး အရှုပ်အထွေးများ ပေါ်ပေါက်နေကြောင်း သတင်း ရရှိသည်။

"နံပတ် (၁) အချက်က သိမ်တော်ကြီးမှာ ရှိတဲ့ ကျွန်းသား အစစ်နဲ့ ပြုလုပ်ထားတဲ့ ပန်းလည်တိုင်ကို မဖျက်ပါနဲ့လို့ ပြောတာကို ဖျက်ချပစ်တယ်။ နံပတ် (၂) အချက်က ဒီထီးတော် တင်မယ့် ကိစ္စကို ဒေသအတွင်းမှာ ရှိတဲ့ ဆရာတော်ကြီးတွေ၊ လူပုဂ္ဂိုလ်တွေနဲ့ မတိုင်ပင်ဘဲ အာဏာပိုင်တွေနဲ့သာ ပြုလုပ်နေတယ်။ နံပတ် (၃) က မြေကြီးကနေ ထီးတော်အထိ အမြင့် ၆၄ တောင်ရှိရမယ်။ ဒါကို နှိမ့်ချပစ်ဖို့ လုပ်နေတယ်။ နံပတ် (၄)က ထီးတော်ကို အရှေ့တောင်ထောင့်က တင်မှာကို အနောက်တောင်ထောင့်က တင်ဖို့ လုပ်နေတယ်။ နောက်တစ်ခါ အခု အသစ်တင်မယ့် ထီးတော်ဟာ အရင် နဂို ထီးတော်ထက် ငယ်လို့ မရဘူး။ ခြေလေးချောင်း သတ္တ၀ါတွေရဲ့ အရုပ်တွေကို မထည့်ရဘူးလို့ ပြောထားပါတယ်" ဟု လုံခြုံရေးကြောင့် အမည် ဖေါ်မပြောလိုသူ ရခိုင်သမိုင်းသုတေသီ တစ်ဦးက ပြောသည်။

၎င်းပြင် သူက " ကျွန်တော်တို့ ရခိုင်ဓလေ့ထုံးတန်းစဉ်လာအရ ဘုရား၊ စေတီတွေက ထီးတော်တွေကို မုန်တိုင်းကြောင့် ဖြစ်စေ၊ သဘာဝ ဘေးအန္တရာယ်ကြောင့် ဖြစ်စေ မြေခပြီးမှ ထီးတော်ကို အသစ် ပြန်တင်ရတယ်။ အခု ထီးတော်က အကောင်းပကတိရှိရဲ့သားနဲ့ ထီးတော်ကို ချပြီး အသစ် ထီးတော်ကို ပြန်တင်ဖို့ လုပ်နေတာဟာ မရိုးသားဘူးလို့ ကျွန်တော်တို့က လုံးဝ ယူဆထားပါတယ်" ဟု သူက ဆက်ပြောသည်။

အဆိုပါ ပြည်သူများအကြား အမြင်အမျိုးမျိုး ပေါ်ပေါက်နေပြီး ထီးတော်အသစ်နှင့် ပတ်သက်ပြီး လူထု အကြားတွင်လည်း အမြင်ကွဲပြားနေကြောင်း သိရသည်။ သို့အတွက် ကျောက်တော်မြို့နယ် သံဃာဝန်ဆောင် ဥက္ကဌ သိန်းတန် ဆရာတော်ကြီးအား နိရဉ္စရာမှ လျှောက်ထားမေးမြန်းရာ ဆရာတော်ကြီးက ယခုလို မိန့်ကြားသည်။

မေး- " ဆရာတော်ကြီးဘုရား- အခု အလိုတော်ပြည့် ဆရာတော်ကြီး တင်ဆောင်ဖို့ စီစဉ်နေတဲ့ ရွှေထီးတော်ဟာ ဒေသအတွင်းက ဆရာတော်တွေရဲ့ ခွင့်ပြုချက်နဲ့ တင်ဆောင်ဖို့ လုပ်နေတာလား၊ ဒါမှ မဟုတ် ဘယ်သူ့ အစီအစဉ်နဲ့ လုပ်နေပါလဲ အရှင်ဘုရား- ဖြေကြားပေးပါ"

ဆရာတော်ကြီး-" မဟုတ်ပါ။ ရခိုင်ပြည်နယ် အစိုးရအဖွဲ့ရဲ့ အစီအစဉ်နဲ့ တင်ဆောင်ဖို့ လုပ်နေတဲ့ အစီအစဉ် ဖြစ်ပါတယ်။ ရခိုင်တိုင်းရင်းသားများ တိုးတက်ရေး ပါတီက ၀န်ကြီးတွေလည်း ပါတယ်လို့ ကြားတာဘဲ။"

မေး- " ဒါဆိုရင် အခု သိမ်တော်ကြီး အလယ်မှာရှိတဲ့ ကျွန်းသားစစ်နဲ့ ပြုလုပ်ထားတဲ့ ကျွန်းတိုင်ကြီးကို ဖြိုချဖျက်ဆီးပစ်လိုက်ပြီလို့ သိရပါတယ်။ အဲဒီလို လုပ်တဲ့ အပေါ် ဆရာတော်ကြီး အမြင်ကို သိပါရစေ။"

ဆရာတော်ကြီး- " အခု ဆရာတော်ကြီး သိရသလောက် ကျွန်းတိုင်ကို ဖြိုချ ဖျက်ဆီးလိုက်တာ မဟုတ်ပါဘူး။ ကျွန်းတိုင်ကို စတီးလ်ကွပ်ပြီး ပိုပြီး ခိုင်ခန့်အောင် လုပ်တဲ့ သဘော ဖြစ်ပါတယ်" ဟု ဆရာတော်ကြီးက မိန့်ကြားသည်။

စကား ပြောနေစဉ် ဖုံးပြတ်သွားသဖြင့် ဆရာတော်ကြီးအား ဆက်သွယ်၍ မရရှိခဲ့တော့ပါ။

၎င်းနောက်ပိုင်းတွင် မဟာ မုနိ ကုန်းတော်အနီးတွင် တည်ရှိသော သရက်တပင် ဆရာတော်အား ဆက်သွယ် မေးမြန်းရာ ဆရာတော်က ယခုလို ပြောသည်။

" ဦးဇင်းက မဟာမုနိ သိမ်တော်ကို နေ့တိုင်း ရောက်ပါတယ်။ ကိုယ်နဲ့ မဆိုင်တဲ့ အတွက် ကျွန်းသစ် ပန်းလယ်တိုင်ကို လဲချလိုက်ပြီလား။ အသစ် ပြန်လုပ်ပီလား ဆိုတာကို တိတိကျကျ မသိဘူး တကာကြီး" ဟု ပြောသည်။

ယခုကိစ္စမှာ အမျိုးဘာသာ သာနာကိစ္စ ဖြစ်ပါသဖြင့် မဟာမုနိ ရွှေထီးတော် ကိစ္စနှင့် ပတ်သက်ပြီး သိရသလောက် ပြည်သူများ သိရှိရန် ပြောကြားပေးပါဟု လျှောက်ထားရာ ဆရာတော်က ယခုလို မိန့်ကြားသည်။

" အခုက လူတွေကြားထဲမှာတော့ အမျိုးမျိုး ကိုယ်ထင်ရာကို ကိုယ်ပြောနေကြပါတယ်။ အခု အလိုတော်ပြည့် ဆရာတော်ကြီး လုပ်နေတာတွေကလည်း တစ်ဘက်က ကြည့်ရင် စနစ်တကျနဲ့ ကောင်းကောင်းမွန်မွန်လုပ်တာကို တွေ့နေရပါတယ်။ အင်ဂျင်နီယာတွေနဲ့ ဘုံအဆင့်ဆင့် လုပ်နေတာကို တွေ့ရတယ်။ အဲသလို လုပ်တာကို တစ်ဘက်ကလည်း အမျိုးမျိုး ပြောဆို နေကြတာတွေ ရှိပါတယ်" ဟု ပြောသည်။

မေး- " အလိုတော်ပြည့်ဆရာတော်ကြီးက ရခိုင်ပြည်သူတွေရဲ့ အထွတ်အမြတ်ထားရာ မဟာမုနိ ထီးတော်ကြီးကို ဒေသအတွင်းက ဆရာတော်ကြီးတွေ အပါအ၀င် ရခိုင်ပြည်သူတွေနဲ့ မတိုင်ပင်ဘဲ လုပ်နေတယ်ဆိုပြီး စွပ်စွဲချက်တွေ ပေါ်ပေါက်နေပါတယ် အရှင်ဘုရား။"

သရက်တပင် ဆရာတော် " ဒါကတော့ ဟုတ်ပါတယ်။ ဒေသအတွင်းက ဆရာတော်ကြီးတွေ၊ ဒေသခံ လူကြီးတွေနဲ့ တိုင်ပင်ပြီး ပြုလုပ်တာ မရှိဘူး။ အစိုးရပိုင်းက လူကြီးတွေနဲ့သာ လုပ်နေတာကို တွေ့ရ ပါတယ်" ဟု ပြောသည်။

မေး“ ဒါဆိုရင် အလိုတော်ပြည့် ဆရာတော်ကြီးက တင်ဖို့ လုပ်နေတဲ့ ရွှေထီးတော်နဲ့ ပတ်သက်ပြီး ဘယ်လို မြင်ပါသလဲ အရှင်ဘုရား”

သရက်တပင်ဆရာတော်" သူလည်း အမျိုးဘာသာ သာသနာကို အကျိုးယုတ်အောင်တော့ လုပ်လိမ့်မယ်လို့ မထင်ဘူး။ လူတွေကတော့ ကိုယ်ထင်တာကို ကိုယ်ကောက်ပြောနေကြတာပါဘဲ။ ရွှေထီးတော်မှာ ဘာတွေ ပါတယ်။ မပါဘူးဆိုတာလည်း ဒီကိုရောက်မှ သိရပါလိမ့်မယ်။ အခုတော့ ဘာမှ မပြောနိုင်သေးဘူး။ ပွဲကတော့ စည်ကားမယ်ထင်ပါတယ်" ဟု ပြောသည်။

ယနေ့ နောက်ဆုံး ရရှိသော သတင်းများ အရ ပြည်သူများ တောင်းဆိုချက်အရ ရွှေထီးတော် အမြင့်အား မြေကြီးမှ စိန်ဖူးတော်ထိ ၆၄ တောင် ထားရှိမည် ဖြစ်ပြီး ရွှေထီးတော်ကိုလည်း ယခင် ထုံးတန်း စဉ်လာအတိုင်း အရှေ့တောင် အရပ်မှ တင်ဆောင်သွားဆောင်ရန် စီစဉ်ထားကြောာင်း သိရသည်။

အလေးချိန် ၁၁ ပိသာ ၅၀ ကျပ်သားရှိ ရွှေထီးတော်ကို ရန်ကုန်မြို့မှ စစ်တွေမြို့ သို့ မတ်လ ၂၃ ရက်နေ့က ယူဆောင်လာပြီး စစ်တွေ အလိုတော်ပြည့် ကျောင်းတိုက်တွင် အပူဇော်ခံနေရာ ရွှေထီးတော်အား ပြုလုပ်ရာတွင် ကြီးကြပ်ကွပ်ကဲသူ ဦးဇင်း ဘီလူးခေါ် အရှင်ကုမာရအား ရွှေထီးတော်တွင် မည်သည့် အရုပ်များကို ရေးထိုးထားပါသလဲဟု လျှောက်ထား မေးမြန်းရာ ဦးဇင်းက ယခုလို ဖြေကြားသည်။

"မဟုတ်ပါဘူး တကာ့။ ဒါတွေက ကောလဟလတွေပါ။ ဒီမှာက သဇင်ပန်းပါတယ်။ ရခိုင်ဗျာလ်လ ရုပ်ပါတယ်။ သီရိဝစ္စ ရခိုင်တံဆိပ်ပါတယ်။ ငှက်မြတ်နားမှာလည်း ငှက်မြတ်နားနဲ့ ပတ်သတ်တာတွေ ပါတယ်။ ခြင်္သေ့အရုပ်၊ ကျားအရုပ် ပါ တယ် ဆိုတာ မဟုတ်ပါဘူး။ မှားနေတယ်" ဟုပြောသည်။

ယခု ရွှေထီးတော်မှာ အချင်း (၄)ပေ (၆)လက်မ၊ အမြင့် (၉)ပေ ကျော်ခန့်ရှိ ရွှေသား ရွှေစင်များဖြင့် အကျော်အမော် ဗိသုကာပညာရှင်တို့ အကောင်း ဆုံး ဖြစ်အောင် စီမံပြုလုပ်ထားသော ရွှေထီးတော် ဖြစ်ပြီး ဧပြီလ ၆ ရက် တန်ခူး လပြည့်နေ့တွင် တင်ဆောင်မည် ဖြစ်ကြောင်း ဦးဇင်းမှ ပြောသည်။

ရွှေထီးတော်အား ယခင် ထောက်လှမ်းရေး ညွှန်မှူးချုပ် ၀န်ကြီးဟောင်း ဦးခင်ညွှန့် လက်ထက်ကတည်းက တင်ဆောင်ရန် ကြိုးပမ်းခဲ့သော်လည်း ဦးခင်ညွှန့် အလုပ်မှ ပြုတ်သွားသဖြင့် ရပ်တန့်သွားခဲ့ရာမှ ယခုမှ ပြန်လည် တင်ဆောင်ရန် စီစဉ်ခြင်း ဖြစ်သည်။

မဟာမုနိ ထီးတော် အဟောင်းအား ဇန်န၀ါရီလ ၂၄ ရက်နေ့ကတည်းက မြေအောက်ကို ချထားပြီး အဆိုပါ ထီးတော်ရှိ စိန်ဖူးတော်မှ ရှေးဟောင်း တန်ဖိုးရှိ စိန်တစ်လုံးမှာလည်း ပျောက်ဆုံးနေကြောင်းနှင့် ဘုရားဂေါပက အနေဖြင့်လည်း အဆိုပါ စိန် မည်သည့် နေရာသို့ ရောက်ရှိနေကြောင်း မသိရှိဘဲ ဖြစ်နေကြောင်း ရခိုင်သမိုင်း သုတေသီက ပြောကြားသွား သည်။


နိရဉ္စရာ

မောင်ရမ္မာ
----------
ရခိုင်ပြည် လွတ်မြောက်ရေးပါတီ (ALP) နှင့် မြန်မာစစ်အစိုးရတို့ အကြား ပြည်နယ် အဆင့် ငြိမ်ချမ်းရေး ဆွေးနွေး ပွဲကို ဧပြီလ ၄ ရက်နေ့တွင် စစ်တွေမြို့၌ ပြုလုပ်မည် ဖြစ်သည်။

ပြည်နယ်အဆင့် ငြိမ်းချမ်းရေးဆွေးနွေးပွဲသို့ ALP ပါတီဘက်မှ ပါတီ ဒုဥက္ကဌ ခိုင်စိုးနိုင်အောင် ဦးဆောင်ပြီး တက်ရောက်မည် ဖြစ်သလို မြန်မာ အစိုးရဖက်မှ ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့ခေါင်းဆောင် ဦး အောင်သောင်း၊ ရခိုင်ပြည်နယ်ဝန်ကြီးချုပ် ဦးလှမောင်တင်တို့ ဦးဆောင် တက်ရောက်ကြမည် ဖြစ်သည်။

ငြိမ်းချမ်းရေး ဆွေးနွေးပွဲနှင့် ပတ်သက်ပြီး ALP ပါတီ၏ ငြိမ်းချမ်းရေး ကိုယ်စားလှယ် အဖွဲ့ခေါင်းဆောင် ဦးခိုင်စိုးနိုင်အောင်က နိရဉ္စရာသို့ ယခုလို စပြောသည်။

" ဆွေးနွေးပွဲက အဆင့် နှစ်ဆင့် ရှိပါတယ်။ တဆင့်က ပြည်နယ်အဆင့်ပါ။ တဆင့်က ပြည်ထောင်စုအဆင့် ဆို ပြီး နှစ်ဆင့်ရှိပါတယ်။ ကျွန်တော်တို့က လောလောဆယ်မှာ ပြည်နယ်အဆင့်မှာ ဆွေးနွေးဖို့ ဖြစ်ပါတယ်။"

ဆွေးနွေးပွဲတွင် ALP ပါတီအနေဖြင့် အဓိကထား ဆွေးနွေးမည့် အကြောင်းအရာနှင့် ပတ်သက်၍ ဦးခိုင်စိုးနိုင် အောင်က ယခုကဲ့သို့ ရှင်းပြ ပြောဆိုသည်။

" ပြည်နယ် အဆင့်မှာ ဆွေးနွေးတဲ့အခါမှာ အဓိက ဆွေးနွေးဖို့ အကြောင်းအရာကတော့ နံပါတ် (၁) မှာ အပစ် အခတ် ရပ်စဲရေး ဖြစ်ပါတယ်။ နံပါတ် (၂) မှာကတော့ အပစ်အခတ် ရပ်စဲရေးကာလ အတွင်းမှာ နှစ်ဖက်တပ်တွေ သတ်မှတ်နယ်မြေမှအပ ကျူးကျော်သွားလာခြင်း မပြုရ၊ နံပါတ် (၃) က အပစ်အခတ် ရပ်စဲထားစဉ်ကာလအတွင်း မှာ သတ်မှတ်ထားတဲ့ နယ်မြေက နေပြီးတော့ မြန်မာစစ်တပ် အားလုံး ဆုတ်ခွါပေးရမယ်။ နံပါတ် (၄) ကတော့ ဆက်သွယ် ရေးရုံးတွေ ဖွင့်ဖို့အတွက် တင်ပြမယ်။ နံပါတ် (၅) အနေနဲ့ ALP တပ်မတော်သားတွေ အနေနဲ့ လက်နက် မပါဘဲ မြန်မာ တနိုင်ငံလုံးကို သွားခွင့်လာခွင့် ပေးရမယ်။ နံပါတ် (၆) ကတော့ တပြည်လုံး အတိုင်းအတာ ဆောင်တဲ့ အပစ်အ ခတ် ရပ်စဲကြောင်း ဦးသိန်းစိန်အစိုးရက ကြေညာရမယ်။ အဲဒီအချက်တွေအပေါ်မှာ အခြေခံပြီး ဆွေးနွေးသွား မှာ ဖြစ်ပါတယ်" ဟု ပြောသည်။

ဦးသိန်းစိန်အစိုးရ ယခု ကြိုးပမ်း လုပ်ဆောင်နေသည့် အပစ်အခတ် ရပ်စဲရေးသည် ရေရှည် တည်တံ့မည့် အပစ်အခတ် ရပ်စဲရေး မဟုတ်ဘဲ ယာယီ အပစ်အခတ် ရပ်စဲရေး တရပ်သာ ဖြစ်သည်ဟု မတ်လ ၁၀ ရက်နေ့က ထုတ်ပြန်သော ALP ပါတီ၏ နှစ်ပတ်လည် ဒုတိယ အ ကြိမ် ဗဟိုကော်မီတီ အစည်းအဝေး ကြေညာချက်တွင် ဖေါ်ပြထားသည်။

ယခုကဲ့သို့ ဦးသိန်းစိန် အစိုးရ၏ အပစ်အခတ် ရပ်စဲရေးကို ယုံကြည်မှု မရှိဘဲ မည်သည့် အတွက်ကြောင်း ငြိမ်းချမ်းရေး ဆွေးနွေးပါသလဲဟု မေးမြန်းရာ ဦးစိုးနိုင်အောင်က ယခုကဲ့သို့ ပြောသည်။

" နိုင်ငံတကာ ကိုလေ့လာကြည့်တဲ့အခါမှာ နည်းဗျူဟာတွေ ကောင်းလို့ ရှိရင် အဲဒီ နည်းဗျူဟာ တွေက မဟာဗျူဟာကို အထောက်အကူ ပြုတဲ့သဘော ဖြစ်လာနိုင်ပါတယ်။ အဲဒီ အပေါ်မှာ ကျွန်တော်တို့ အခြေခံပြီးတော့ တွေ့ဆုံဆွေးနွေးရေးကို လက်ခံတာဖြစ်ပါတယ်။ နောက်တခုက တွေ့ဆုံဆွေး နွေးရေးကို လက်မခံလို့ရှိရင် ALP က ငြိမ်းချမ်းရေးကို မလိုလားဘူး။ အဲဒီလို အမြင်တွေလည်း မြင်သွားနိုင်ပါ တယ်။ အဲဒါကိုလည်း တစုံတရာ Cover ဖြစ်အောင်ဆိုတဲ့ ပုံစံမျိုးနဲ့ ငြိမ်းချမ်းရေးကို ဆွေးနွေးဖို့ လက်ခံတာ ဖြစ်ပါတယ်။"

ဆွေးနွေးပွဲသို့ ALP ဘက်မှ ငြိမ်းချမ်းရေးကိုယ်စားလှယ် (၁၀)ဦးနှင့် ရုံးအဖွဲ့ဝင် (၁၁)ဦး လိုက်ပါမည် ဖြစ်သည်။

ငြိမ်းချမ်းရေး ကိုယ်စားလှယ်အဖွဲ့ကို ထိုင်း-မြန်မာနယ်စပ်မှ ALP ငြိမ်းချမ်းရေးအဖွဲ့ ခေါင်းဆောင် ဦးခိုင်စိုးနိုင်အောင်အဖွဲ့၊ အိန္ဒိယ-မြန်မာနယ်စပ်မှ ဒု အဖွဲ့ခေါင်းဆောင် ခိုင်သုခ (တွဲဘက် အထွေထွေ အတွင်းရေးမှူး ၂) ဦးဆောင်သော အဖွဲ့နှင့် ဘင်္ဂလာ-မြန်မာနယ်စပ်မှ အထွေထွေ အတွင်းရေးမှူး ဒေါ်စောမြရာဇာလင်း ဦးဆောင်သော အဖွဲ့ သုံးဖွဲ့ခွဲကာ သွားရောက်မည်ဟု သိရသည်။


နိရဉ္စရာ

မတ်လ ၂၉ ရက်နေ့က ပြုလုပ်သော ရခိုင်ပြည်နယ် လွှတ်တော် အထူး အစည်းအဝေးတွင် ရခိုင်ပြည်နယ် အလံနှင့် ရခိုင်အမျိုးသားဝတ်စုံကို ပြန်လည် ပြင်ဆင်ရန် ကြံ့ဖွံ့ ပါတီမှ အဆိုတင်သွင်းခဲ့ကြောင်း သတင်း ရရှိသည်။

"ကြံ့ခိုင်ရေးပါတီက မာန်အောင်မြို့နယ် အမတ်လည်းဖြစ်၊ ပြည်နယ် လွှတ်တော် ဒုဥက္ကဌလည်းဖြစ်တဲ့ ဦီးသာညွန့်က ခေတ်စနစ်နဲ့ မလျော်ညီတဲ့ အတွက် ရခိုင်ပြည်နယ် အလံနဲ့ ရခိုင်အမျိုးသား ၀တ်စုံ ပြင်ဆင်ရေး အတွက် အဆို တင်ပါတယ်။ ဒါကို ပြည်နယ် လွှတ်တော် ဥက္ကဌကနေပြီး ဒီအဆိုနဲ့ ပတ်သက်ပြီး ကန့်ကွက် စရာရှိသလားလို့ မေးတဲ့အခါ ကျွန်တော်က အခုအချိန်မှာ အလံတွေ၊ အမျိုးသား ၀တ်စုံ ကိစ္စတွေကို ဆွေးနွေးဖို့ အချိန်မဟုတ်သေးတဲ့ အတွက် ကန့်ကွက်ကြောင်း တင်တဲ့ အခါ မဲခွဲဆုံးဖြတ်ပါတယ်။ ကြံ့ဖွံ့က ၂၈ မဲ၊ ကျွန်တော်တို့ ရတပပါတီက ၁၄ မဲ၊ ကြားနေမဲ တစ်မဲနဲ့ ကြံ့ဖွံ့က အနိုင်ရသွားပါတယ်" ဟု ဦးအောင်မြကျော်က ပြောသည်။

ကြံ့ဖွံ့ က ပြည်နယ် လွှတ်တော်တွင် ၁၃ မဲသာ ရှိသော်လည်း တပ်မတော်သား ၁၅ မဲက ကြံ့ဖွံ့ အဆိုကို ထောက်ခံသဖြင့် ကြံ့ဖွံ့ အဆိုမှာ ၂၈ မဲဖြင့် အနိုင်ရရှိသွားခဲ့သည်။

" လာမယ့် တနင်္လာနေ့မှာတော့ ပြည်နယ်အလံနဲ့ ရခိုင်အမျိုးသား ၀တ်စုံ ပြင်ဆင် အတည်ပြုရေး ကော်မီတီိကို ဖွဲ့စည်းရေး အတွက် သူတို့ဘက်က အဆို တင်ပါလိမ့်မယ်။ အဲဒီမှာ တစ်ခါ ပြင်ဆင်၊ အတည်ပြုရေး ကော်မီတီ ဖွဲ့စည်းရေးနဲ့ ပတ်သက်ပြီး မဲခွဲရပါအုံးမယ်" ဦးအောင်မြကျော်က ဆက်ပြောသည်။

အဆိုပါ ကိစ္စနှင့် ပတ်သက်ပြီး ရခိုင်တိုင်းရင်းသားများ တိုးတက်ရေး ပါတီ၏ သဘောထားကို မေးမြန်းရာ တာဝန်ရှိသူ တစ်ဦး ဖြစ်သူ အတွင်းရေးမှူး အဖွဲ့ဝင် ဦးခိုင်ပြည်စိုးက ယခုလို ပြောသည်။

" သူတို့က ဒီကိစ္စကို လွှတ်တော်မှာတင်တာကတော့ ရခိုင်ပြည်နယ် အလံ၊ ရခိုင်အမျိုးသား ၀တ်စုံတွေကို ခေတ်စနစ်နဲ့ မလျော်ညီတဲ့ အတွက် ပြန်လည် ဆန်းစစ်ပြီး ပြုပြင်ဖို့ မတ်လ ၂၉ ရက်နေ့က အဆိုတင်ပါတယ်။ ဒီကိစ္စနဲ့ ပတ်သက်ပြီး ပြောလိုတာက ရခိုင်ပြည်နယ် အလံဆိုတာ မဆလ ခေတ်က ပြုလုပ်ခဲ့တာ မှန်ပေမယ့် ရခိုင်ပညာရှင်တွေနဲ့ အနှစ်နှစ်အလလ တိုင်ပင်ညှိနိုင်းပြီး အချိန်ယူပြီး ပြုလုပ်ထားတဲ့ ပြည်နယ် အလံ ဖြစ်ပါတယ်။ ရခိုင်အ၀တ်အစားဆိုတာကလည်း ရှေးပဝေသဏီကတည်း ၀တ်စား ဆင်ယင် လာတဲ့ ရခိုင် အမွေအနှစ်တွေ ဖြစ်ပါတယ်။ အလံပေါ်မှာလည်း ရခိုင်အမျိုးသား သင်္ကေတ သီရိဝိစ္ဆတံဆိပ်ကို ထည့်ထားပါတယ်။ ယနေ့ မြန်မာနိုင်ငံ အစိုးရကလည်း အမျိုးသား လက္ခဏာများ မပျောက်ပျက်အောင် ထိန်းသိမ်းရေး ဆိုတာကို ပြောကြားထားပါတယ်။ အမျိုးသား လက္ခဏာ မပျောက် ပျက်ရေး ဆိုတာမှာလည်း ကိုယ်လူမျိုးနဲ့ ကိုယ်၊ ကိုယ်လူအုပ်စုနဲ့ကိုယ် ရှိနေတဲ့ အမျိုးသား လက္ခဏာတွေကို အစိုး တစ်ခု အနေနဲ့၊ အဖွဲ့အစည်း တစ်ခုအနေနဲ့၊ လူပုဂ္ဂိုလ် တစ်ဦး တစ်ယောက်ရဲ့ အမြင်နဲ့ ပြင်ဆင်လို့၊ လုပ်လို့ မရဘူးလို့ ကျွန်တော်တို့မြင်တယ်။ တမျိုးသားလုံးနဲ့ ဆိုင်တဲ့ ကိစ္စကို လွှတ်တော်မှာလည်း မဲခွဲဆုံးဖြတ်လို့လည်း မရဘူးလို့ မြင်တယ်။ ဒီကိစ္စဟာ သာမန်ကာ လျှံကာ ဆုံးဖြတ်လို့ မရဘူး။ မဲခွဲဆုံးဖြတ်မယ့် သူတွေရဲ့ အမျိုးသား အပေါ် ခံစားချက်၊ ယဉ်ကျေးမူ အမွေအနှစ်နဲ့ ပတ်သက်ပြီး နားလည်မူ သိကျွမ်းမူတွေ လိုအပ်ပါလိမ့်မယ်။ အဲသလို နားလည်မူ တစ်စုံတရာ မရှိဘဲ၊ တစ်စုံတရာ လက်လှမ်းမမှီဘဲနဲ့ မိမိသဘောနဲ့ မိမိ လုပ်သွားမယ်ဆိုရင် တစ်နေ့ နေ့ တချိန်ချိန်မှာ သမိုင်းမှာ ဆိုးကျိုးတွေ ပေါ်ပေါက်လာနိုင်တယ်လို့ မြင်ပါတယ်" ဟု ပြောသည်။

ရခိုင်ပြည်နယ် လွှတ်တော်တွင် မဲခွဲဆုံးဖြတ်ရာတွင် ကြံ့ဖွံ့မှ အနိုင်ရရှိသွားသဖြင့် ရခိုင်ပြည်နယ် အလံနှင့် အမျိုးသား ၀တ်စုံများကို ပြင်ဆင် ပြောင်းလဲ လာပါက ရခိုင်တိုင်းရင်းသားများ တိုးတက်ရေး ပါတီအနေဖြင့် မည်သို့ တုန့်ပြန် ဆောင်ရွက်သွားမလဲဟု မေးမြန်းရာ ဦးခိုင်ပြည်စိုးက ယခုလို ဆက်ပြောသည်။

" ကျွန်တော်တို့ ပါတီအနေနဲ့ လာမယ့် မတ်လ ၃၁ ရက်နေ့မှာ မြို့ပေါ်က ပညာရှင်တွေကို ဖိတ်ခေါ်ပြီး ဒီကိစ္စ အပေါ် ဘယ်လို မြင်သလဲ။ ဒီကိစ္စနဲ့ ပတ်သက်ပြီး ဘယ်လို ပြုပြင်သင့်သလဲ။ ဒီကိစ္စနဲ့ ပတ်သက်ပြီး နဂိုအတိုင်း ထားသင့်သလား။ ဘာတွေကို ဖြည့်စွက် ပြုပြင်သ့င်သလဲ။ ပညာရှင်တွေရဲ့ သဘောတရား၊ အမြင်၊ အကြံ အဥာဏ်ပေးမူတွေကို ရယူသွားမယ်။ ဒီအပေါ်မှာ မူတည်ပြီး ကျွန်တော်တို့ အလုပ် လုပ်သွားဖို့ ဆုံးဖြတ်ထားပါတယ်" ဟု ပြောသည်။

ယခုကဲ့သို့ ပြည်နယ်အလံ၊ အမျိုးသား ၀တ်စုံ ကိစ္စမှာ ရခိုင် တစ်မျိုးသားလုံးနှင့် သက်ဆိုင်သော ကိစ္စဖြစ်သဖြင့် အထူး သတိထားရန် လိုအပ်ပြီး ပြင်ဆင် ပြောင်းလဲမူ လုပ်မည် ဆိုပါကလည်း အသိပညာရှင် အတတ် ပညာရှင်များနှင့် တိုင်ပင်ညှိနိုင်း ဆောင်ရွက်သွားရန် လိုအပ်မည် ဖြစ်ကြောင်း စစ်တွေတွင် လူကြီးများက ပြောဆိုနေကြသည်ဟု သတင်း ရရှိသည်။


နိရဉ္စရာ